Sot më datë 14.02.2015 organizata “Të Rinjtë e Raçak-ut” realizoi kuizin garues të diturisë në bashkëpunim me Këshillin e Veprimit Rinor Lokal në Shtime.
Kuizi u mbajt në sallën e Kuvendit Komunal të Shtimes, ku të pranishëm ishin personalitete nga të gjitha lamitë, duke filluar nga drejtorët, profesorët, përfaqësuesit e OJQ-ve, gazetarë dhe një numër i madh i nxënësve që e madhështuan këtë ngjarje.
Me ardhjen e të gjitha shkollave amë filloi kuizi në lëndën e historisë fillimisht, ku secila shkollë kishte nga tetë pyetje për t'u përgjigjur pastaj vijonte shkolla tjetër.
Gjatë pyetjeve, dukej qartë se të gjitha shkollat ishin bukur të përgatitura dhe se arsimtarët e tyre kishin bërë një punë mjaft të mirë.
Dhe me përfundim, shkollat u ndanë në një rezultat shumë të ngushtë, ku dy vendet e para vazhduan në pyetjet shtesë për ta nxjerrë fituesin.
- Vendi i tretë shkoi për SHFMU "Abdullah Shabani" nga Carraleva me drejtor Enver Avdiu dhe përfaqësues: Leonita Smajli, Albin Ilazi dhe Leonita Deliu
- Vendi i dytë shkoi për SHFMU "Hasan Prishtina" nga Godanci me drejtor Avdi Zenuni dhe përfaqësues: Mevludin Dragaqina, Mirlinda Ahmeti dhe Artina Sahiti
- Vendi i parë shkoi për SHFMU "Skënderbeu" nga Reçaku me drejtor Skënder Bajrami dhe përfaqësues: Mimoza Halili, Safete Jakupi dhe Arlinda Hyseni
Shpërndarja e shpërblimeve do të bëhet në Ceremoninë Përmbyllëse të aktiviteteve të realizuara nga Këshilli i Veprimit Rinor Lokal në Shtime, e cila do të mbahet më 16.02.2015 nga ora 15:00 tek SHFMU "Emin Duraku", afër stacionit policor.
0 comments :
Post a Comment